Archiv der Kategorie: Camp London

Viadi alla plazza aviatica

Cunquei che signur Christoffel ei ils 9 d’october sin viadi vegn l’interpresa Roth da Cuera, in partenari da Christoffel, a far il viadi. La bagascha per Medel, Tujetsch e Mustér vegn cargada igl gliendisdis endamaun allas 05.45 h sin plaz avon Halla Cons. La partenza ei gest suenter, sil/ pli tard allas 06.00 h. Aschia quintein nus dad esser ils suandonts temps els divers loghens:
06.10 h cruschada S. Benedetg/Sumvitg
06.15 h Rabius, Hotel Greina
06.20 h Trun, casa da scola
06.25 h Tavanasa/Mutteins, garascha Caduff
Il viadi anavos dils 16 d’october succeda gest tenor la situaziun da traffic evtl. sur il Pass Alpsu. Informaziuns vegnan ils particponts a dar atras la sera da retuorn sco che nus savein dir uras exactas.
Please follow and like us:

Prighel da terrur a Londra

Dapi las davosas attaccas da terrur a Londra sundel en contact cugl EDA, resp. MI5 a London. Bugen laschel vegnir tier a Vus ils links che jeu hai survegniu. Il prighel exista, sa denton entras sedepurtar adequat vegnir minimaus. Quei pretenda che mintgina e mintgin pren serius la situaziun ed agescha era leusuenter:
Nus planisein la jamna aschia che nus savein evitar ils mieds da transport ella rush hour, tier tuttas attracziuns vein nus gia empustau ils bigliets aschia che nus savein entrar fetg spert. Nus vegnin ad evitar zonas da risico. Nossa casa secatta en in liug ruasseivel cun pauca glieud, naven dil center e buc en in quartier cun migrants. Il spazi ei fetg aviarts. Sin fundament dalla situaziun el liug selubin nus da far midadas vid il program. Las gruppas vegnin a tener duront ils viadis schi pintgas sco pusseivel.
Gia tier ina davosa viseta a London, era gest suenter in attentat, hai jeu viu las mesiras da segirtad che vegnan pridas. La presenza da forzas da segirtad ei enorma, quei che ha era per nus consequenzas: ins vegn savens controllaus, cunzun sch’ins ha tastgas ni sacados cun ins. Perquei supplichein nus tuts da schar a casa sacados e tastgas pli grondas.
Pils geniturs endrizzein nus puspei ina hotline – sco mintga onn. La numera secloma 079 729 73 72. Davos quella stat nies president dalla fundaziun ser Roland Just. Quella numera ei il contact ufficial da Vus geniturs cun nus el camp. La numera vegn era publicada sut campcadi.ch.
Sedepurtar participontAs:
Era mintgina e mintgin sa segidar d’evitar situaziuns da prighel. Per quei lein nus che tuts:
  • stettien adina ensemen ella gruppa cu ei vegn giavischau
  • suondien ils avis dils menaders/dallas menadras
  • seigien serius, fetschien buca da tup, provocheschien buca persunas
  • tenien aviert ils egls duront ils viadis e sin via
  • merien per il beinstar dalla gruppa/dil camp
  • prendien buca sacados (prighel d’emblidar, segirtad, controllas)
  • eviteschien grondas gruppas da persunas
Davart igl ulteriur agir concret en cass da terrur informein nus ils participonts a Londra gest tier l’arrivada. (ir en segirtad, serimnar)
 
Agir dils geniturs:
En in marcau cun varga 7 milliuns habitonts capeta dapli che tier nus cun nos paucs mellis. Entras las medias d’ozildi eis ei tgunsch pusseivel che Vus geniturs vegnis sissu pli spert che nus davart las caussas che capetan. Per damondas en connex cun eventuals accidents supplichein nus Vus instantamein da contactar nossa hotline e buca las persunas el camp. Cheutras impedis Vus buca nossa lavur, cunzun sche nus stuessen puder tier zatgi. Sche nossa gruppa ei pertuccada dad in incident vegnin nos immediat ad informar ser Roland Just.
 
La situaziun momentana sin quest mund pretenda respect, denton negina tema.
Links:
Please follow and like us:

Decisiun camp London 2017

Hallo ensemen!

La decisiun tgi che sa vegnir el camp l’auter onn succeda ils 27 da november 2016. Ils resultats vegnan lu publicai silla pagina d’internet. Cheutras fagein aunc inagada attents vus che nus menein negina correspundenza ni per mail ni telefon pertuccont la decisiun. La communicaziun succeda sulettamein sur la pagina d’internet e l’annunzia ei valeivla pér cu igl aconto ei pagaus. Davos termin per pagar igl aconto: 31 da december 2016, silsuenter vegn il plaz surdaus alla proxima persuan silla gliesta.

Please follow and like us:

Plazs reparti per London

Sut suonda la gliesta dallas persunas che san separticipar al camp a London, priu il cass che tuts vulan aunc. Las ulteriuras persunas restan silla gliesta da spetga.

L’elecziun ei succedida a moda anonima sin fundament dallas rispostas dil questiunari.

Ana Margarida Ferreira

Lucia Seiler

Melanie Candinas

Erika Bass

Mila Sophia Demont

Sara Cajacob

Jana Caduff

Alina Wolf

Ilu Demont

Noemi Zanin

Margarida Figueiras

Anica Seiler

Anna Tuor

Zoé Demont

Tina Fry

Laura Deplazes

Ana Martins

Chanel Monn

 

Luca Zanetti

Marlon Etter

Gian Fankhauser

Livio Schmed

Silvan Schmed

Santos Lucas

Remy Manetsch

Nathaniel Ruben Riedi

Aron Muoth

Fabio Carigiet

Armon Kreiliger

Simon Adriano Cristani

Giulian Venzin

Mauro Cavegn

Fadri Muoth

Yannick Nayen

David Cavegn

Julian Kreiliger

 

 

 

Please follow and like us: