Archiv der Kategorie: Bien da saver

Sedepurtar el bus

Per ils participonts „vegls“ per clamar en memoria, pils novs sco informaziun: Per ch’il viadi el bus seigi da tut temps emperneivels, setenin nus vid entginas reglas:

  • mintgin sesa giu en in plaz e metta en la tschenta, duront ch’il bus ei en moviment va negin entuorn e tuts sesan (evtl. castitgs entras polizia surpren mintgin sez)
  • nus magliein neginas caussas che fan miulas ni che tschufrognan il bus, vein quitau da beiber per buca sponder. Sche zatgei croda giun plaun, prendin nus si quei e dismettin el sac da miardas – era sch’igl ei buc igl agen.
  • ca. mintga 2 uras fagein in stop per ir sin tualetta. La tualetta dil bus duvrein mo per cass fetg urgents.
  • las miardas deponin nus buca el plaz, mobein el sac da rumien che sesanfla amiez il bus.
  • avon che entrar el bus mirein nus da ver calzers schubers.
  • musica ni films vegnan tedlai mo sur uregliers
  • nus fagein buca termagls cun sezs e cazzolas e vein quitau. Alla fin d’in viadi mettin puspei anavos il sez ella posiziun d’origin.

Persunas che han problems da viagiar: buca seser davostier, moebein enamiez, buac magliar caussas che fan grev, buca mischedar maglias – lu gartegia tut il meglier!

Please follow and like us:

Daners e daner da sac

Mei ad uras per ils daners. Igl ei pli favoreivel da midar ils daners tier la banca da casa en Svizra.
En Svizra fagein nus tgunsch in halt a Basilea nua ch’ins sa aunc pagar cun francs. Il proxim halt cun caschun da cumprar zatgei ei lu pér a Luxemburg.
En nies prezi ein cumpri: tuttas attractivitads ed entradas, il durmir cun solver e tscheina, tuts viadis. Buca cumpriu ei il lunch da miezdi perquei che mintga participont ha agens interess. Nus supplichein da far diever dallas purschidas da magliar duront las tschaveras.
L’altezia dalla summa sedrezza tenor mintga participont e ses giavischs. Per vegnir atras la jamna eis ei da principi buca necessari da prender ulterius daners. La pratica muossa denton ch’ils participonts vulan adina puspei cumprar zatgei da magliar ni beiber, ni era autras caussas. Cun 10 – 15€ per di ein ils basegns per beiber e magliar cuvretgs.
Indicaziun davart ils prezis
En Belgia ein victualias pli bienmarcau che en Svizra. Resti ed electronica ein denton tuttina ni pli car
Please follow and like us:

Uorden da prender

Per damondas davart igl uorden duvrar la pusseivladad da commentar giusut!

Documents e viadi

  • carta d’identitad ni pass valeivel
  • carta dalla cassa da malsauns
  • proviant per il viadi  (da beiber e da magliar)

Daners

  • daner da sac (adatg: retrer en Svizra directamein EURO!)
    Solver e tscheina, entradas, ils surnotgs, las entradas en museums, parcs, exposiziuns, menaschis ed ils viadis ein cumpri el prezi pauschal. Igl ei denton capeivel ch‘ils participonts vulan mintgaton cumprar zatgei denteren e prendan perquei daner da sac cun els. Drova perquei tes daners da sac cun precauziun e reparta els bein silla jamna. Ti fusses buc igl emprem che vesses suenter paucs dis negins daners. Nus empristein negins daners e cusseglein era buc ad auters participonts da far quei.
  • mira era cussegliaziun davart la summa da daners

Apoteca

  • medicaments persunals (sche ti drovas)

Contacts

  • adressas dils da casa (per scriver cartas, evtl. gia sin etichettas)
  • numers da telefon da casa

Electronica

  • telefonin, staziun da cargar (facultativ, il telefonin astga buc vegnir duvraus per tedlar musica dad ault!)
  • evtl. adattar igl abonament per roaming (pachet supplementar)

Calzers

  •   dua pèra calzers
  •   scalfins per en casa

Tualetta

  •   barschun da dents e pasta da dents
  •   schampoo
  •   ulteriur uorden da tualetta
  •   fazalets da nas
  •   schigientamauns e lavetta
  •   schigientamauns per far la duscha/bogn

Durmir

  • resti da notg

Gardaroba

  • resti per bialaura e macortaura
  • resti per temperaturas freidas
  • resti da durmir
  • giacca encunter plievgia ni parisol
  • resti suten

Spassegiar

  • evtl. pintga tastga per metter entuorn il venter

Ulteriur (buca dispet necessari)

  •  cazzola da maun
  •  giugs da cartas ni auters giugs pigns

Auter material ed urdeins ein buca lubi!

Please follow and like us: