Alle Beiträge von

Participontas e participonts 2021

Era sche las persunas ein vegnidas confirmadas resalvein nus il dretg dad annular annunzias era pli tard!

IsabelAnjo7188 SedrunAnna Durschei
LauraBundi7184 CuragliaAnna Durschei
NicoCaduff7165 BreilGion Tenner
JasminCajacob7180 Disentis/MustérJustina Deflorin
MatteoCandinas7180 Disentis/MustérPierino Bisquolm
AurelioCarigiet7162 TavanasaGion Tenner
SaskiaCathomad7165 BreilJustina Deflorin
FlurinaCathomas7165 Breil(suonda)
TinoCathomas7165 BreilPierino Bisquolm
FabioDe Giorgi7163 DanisSandro Tomaschett
EneaDecurtins7166 TrunGion Tenner
MattiaDecurtins7166 TrunPierino Bisquolm
FabiaDefuns7163 Danis(suonda)
SelinaDerungs7164 DardinJustina Deflorin
NicoDurschei7180 Disentis/MustérPierino Bisquolm
LyaFoppa7180 Disentis/Mustér(suonda)
FabianHuonder7186 SegnasPierino Bisquolm
Mila-DarinaJascur7165 Breil/BreilJustina Deflorin
LivioLozza7180 Disentis/MustérGion Tenner
NandoLozza7180 Disentis/MustérSandro Tomaschett
JasminLutz7180 Disentis/MustérAnna Durschei
LuanaLutz7180 Disentis/MustérAnna Durschei
AlessioMaissen7180 Disentis/MustérGion Tenner
ChiaraManetsch7180 Disentis/MustérAnna Durschei
RaphaelPally7180 Disentis/MustérSandro Tomaschett
FabioRigoleth7186 SegnasPierino Bisquolm
CristianoRodrigues7180 Disentis/MustérGion Tenner
LauroSchmed7180 Disentis/MustérSandro Tomaschett
RianoSchmed7165 BreilSandro Tomaschett
FabianaSilva7188 Sedrun(suonda)
MarcoStrupler7180 Disentis/MustérGion Tenner
JannaVenzin7184 CuragliaJustina Deflorin
SandroVenzin7184 CuragliaPierino Bisquolm
SilvanVenzin7180 Disentis/MustérSandro Tomaschett
MikaZanin7180 Disentis/MustérSandro Tomaschett

Sedepurtar el bus

Per ils participonts „vegls“ per clamar en memoria, pils novs sco informaziun: Per ch’il viadi el bus seigi da tut temps emperneivels, setenin nus vid entginas reglas:

  • mintgin sesa giu en in plaz e metta en la tschenta, duront ch’il bus ei en moviment va negin entuorn e tuts sesan (evtl. castitgs entras polizia surpren mintgin sez)
  • nus magliein neginas caussas che fan miulas ni che tschufrognan il bus, vein quitau da beiber per buca sponder. Sche zatgei croda giun plaun, prendin nus si quei e dismettin el sac da miardas – era sch’igl ei buc igl agen.
  • ca. mintga 2 uras fagein in stop per ir sin tualetta. La tualetta dil bus duvrein mo per cass fetg urgents.
  • las miardas deponin nus buca el plaz, mobein el sac da rumien che sesanfla amiez il bus.
  • avon che entrar el bus mirein nus da ver calzers schubers.
  • musica ni films vegnan tedlai mo sur uregliers
  • nus fagein buca termagls cun sezs e cazzolas e vein quitau. Alla fin d’in viadi mettin puspei anavos il sez ella posiziun d’origin.

Persunas che han problems da viagiar: buca seser davostier, moebein enamiez, buac magliar caussas che fan grev, buca mischedar maglias – lu gartegia tut il meglier!

Reglement dil camp/dalla casa

Las fuormas masculinas el text sut valan era per las fuormas femininas.

1. Annunzias

1.1. Tuts interessents  per in camp ston s’annunziar sur nossa pagina d’ internet. Ei il diember maximal da participonts cuntonschius, vegnan las annunzias respectadas tenor la successiun ni tenor criteris fixai ordavon (diember giuvens e giuvnas, contingent da vischnauncas, decisiuns dil survetsch social, interess). Ils organisaturs ein buca obligai da prender tut las annunzias e san renviar participontas ni participonts senza motiv era sche l’ annunzia ei succedida correctamein.

1.2. L‘annunzia vegn confirmada entras il pagament (che sa era esser in aconto). Cun far igl emprem pagament vala la reservaziun sco ligionta ed ils geniturs e participonts van d‘accord cun quest reglament.

1.3. La segirada ei caussa da mintga participont.

1.4. Annunzias san vegnir fatgas entochen il termin publicau silla pagina d‘ internet. Tuts caums dil formular ein da rispunder correctamein. Las datas vegnan duvradas per la correspundenza e vegnan buca currigidas. Indicaziuns fallidas meinan all’ exclusiun dil camp.

1.5. La contribuziun pil camp ei da pagar netto enteifer 30 dis suenter la retschevida dil quen, sil pli tard denton 4 meins avon il viadi el camp per persuans che vegnan annunziadas suenter il termin indicau. Suenter il pagament vala l‘annunzia sco ligionta. Seretila enzatgi pli tard dall‘annunzia vegn la contribuziun restituida sco suonda:

  • entochen fin matg 100 %
  • entochen fin fenadur 50 %
  • silsuenter 0 %

2. Sedepurtar duront il camp

2.1. Il camp entscheiva cul beinvegni alla staziun/entrada el bus il di da partenza. Naven da quei mument valan suandontas reglas:

2.2. Il participont ha da tut temps da suandar las instrucziuns dils menaders.

2.3. En mintga cass astga el buc bandunar la gruppa senza consentiment dil menader, era buca en pliras persunas.

2.4. Il reglament dalla casa d‘albiert ei da respectar en tuts puncts. Directivas dil persunal dalla casa ein ligiontas per tuts.

2.5. Per tuts participonts ei scadin consum d‘alcohol, nicotin ed autras drogas scumandaus.

2.6. Telefons mobils ein da duvrar cun mied e mesira.

2.7. Il ruaus da notg ei da respectar. Suenter il temps indicau dils menaders eis ei scumandau da visitar combras jastras, da far canera en combra ed en zulers aschia ch‘ei disturba anoviars, da schar ir musica dad ault. Sche persunas en combra vulan durmir ei quei giavisch da respectar cun ruaus absolut.

2.8. Mintga participont respecta ils ulteriurs participonts ed auters hosps.

2.9. Mintga participont sedeporta andantamein aschia ch‘ei dat neginas reclamaziuns.

2.10. Giuvnas e giuvens han combras separadas che valan sco sfera privata. Visetas en combras jastars ein buca lubidas. Per sentupar ei da far diever dils plazs publics dalla casa.

2.11. Il temps da durmir ei da fixar aschia che mintga participont sa separticipar al program dil di vegnent senza esser staunchels.

3. Program

3.1. Ils camps ein suttamess allas pleivs dalla Cadi. Consequentamein procura il accumpignader spiritual per temps da meditaziun ed in survetsch divin duront la jamna dil camp al qual tuts separticipeschan.

3.2. Ils participonts separticpeschan alla part culturalla dil camp. Finamira ei d‘emprender d‘enconuscher autras culturas, specialitads dil liug, usits ed attracziuns.

3.3. Las occurrenzas communablas ein obligatorias per tuts. Occurrenzas libras ein facultativas, negin ha denton dretg da restituziun da daners.

3.4. Temps e loghens da rimnada ein ligionts per tuts.

3.5. Ils participonts vegnan parti en gruppas ed ein suttamess ad in menader. La repartiziun da combras vegn medemamein fatga dils menaders.

3.6. Avon il camp dat ei ina sentupada d‘orientaziun obligatoria per tuts participonts. Persunas che fan buca part a quella san vegnir sclaus dil camp.

4. Diversa

4.1. Sche buc auter communicau ei cumpriu el daner da camp: ils viadis, la dimora, las tschaveras (solver, gentar e tscheina) cun da beiber, las excursiun e visetas dallas attracziuns tenor il program. Buca cumpri ein ils cuosts per vivonda sin viadi (partenza da casa tochen alla destinaziun), sortida, basegns individuals, suvenirs, daner da sac, attracziuns ordeifer il program.

4.2.Participonts che setegnan buc vid quest reglament vegnan admoni ina gada. Silsuenter vegnan ils geniturs informai. Gidan quellas admoniziuns nuot, vegn il participont sclaus dil camp cun informar danovamein ils geniturs ed ha immediat da sereneder sin agen cuost e responsabladad dils geniturs a casa.

4.3. Il participont ha per dus onns negin dretg pli da separticipar als camps. Quei vala era per ulteriurs camps che vegnan organisai da Camps Cadi/Giuventetgna Cadi.

4.4. Il participont procura ad uras che sia carta d‘ identitad/pass seigien valeivels.

4.5. Ils menaders surprendan negina responsabladad sch‘enzatgi setegn buca vid quest reglament.

4.6. Sco regurdientscha vegn fatg fotografias e/ni videos davart il camp entras ils menaders ni ina persuna adossada cun quei pensum. Tuts participonts sedeclaran prompts da schar publicar quels maletgs sin la homepage da Camps Cadi/Tür auf – mo vinavon ni en publicaziuns da quellas duas organisaziuns ni dallas pleivs/Vischnauncas participadas. Ils maletgs restan en possess dils organisaturs.

Quest reglament passa en vigur per l‘emprema gada cun ils camps 2004. Adattau la davosa gada:

Mustér, ils 19 da fenadur 2016
Camps Cadi 2

München 2021

Il camp 2021 ha puspei liug el marcau da München denter ils 9 ed ils 16 d’october 2021.

Inagada dapli essan nus el Salesianum a München per explorar il marcau principal dalla Bavaria. Il program ei aunc buca fatgs, denton vegnin nus segir puspei a visitar las attracziuns dils davos camps en quei liug:

Allianz Arena e plazs da trenament ella Säbener Strasse
Olympia Park
BMW Motorenwerke – producziun dad autos
Englischer Garten cun Eissurfers
Camp da concentraziun Dachau
Casti Charlottenburg
Marienplatz e Viktualienmarkt
Dallmayr
Pumpiers München, Wache VI
… ed auter…

Mintga participontA survegn in abonnement general per bus, tren sutterran e tren regiunal.
Duront treis eras serendin nus mintgamai el bogn datier dalla casa che porscha pliras attracziuns per giuvenils.

Daners e daner da sac

Mei ad uras per ils daners. Igl ei pli favoreivel da midar ils daners tier la banca da casa en Svizra.
En Svizra fagein nus tgunsch in halt a Basilea nua ch’ins sa aunc pagar cun francs. Il proxim halt cun caschun da cumprar zatgei ei lu pér a Luxemburg.
En nies prezi ein cumpri: tuttas attractivitads ed entradas, il durmir cun solver e tscheina, tuts viadis. Buca cumpriu ei il lunch da miezdi perquei che mintga participont ha agens interess. Nus supplichein da far diever dallas purschidas da magliar duront las tschaveras.
L’altezia dalla summa sedrezza tenor mintga participont e ses giavischs. Per vegnir atras la jamna eis ei da principi buca necessari da prender ulterius daners. La pratica muossa denton ch’ils participonts vulan adina puspei cumprar zatgei da magliar ni beiber, ni era autras caussas. Cun 10 – 15€ per di ein ils basegns per beiber e magliar cuvretgs.
Indicaziun davart ils prezis
En Belgia ein victualias pli bienmarcau che en Svizra. Resti ed electronica ein denton tuttina ni pli car

Participontas e participonts 2019

1Ana MargaridaFerreira7180 Disentis/MustérAnna Durschei
2BiancaBlumenthal7180 Disentis/MustérAnna Durschei
3FabianaSilva7188 SedrunJustina Deflorin
4FlurinaCathomas7165 Breil/BrigelsJustina Deflorin
5FlurinaCarigiet7162 TavanasaAnna Durschei
6IsabelAnjo7188 SedrunAnna Durschei
7JasminCajacob7180 Disentis/MustérJustina Deflorin
8LeonieTuor7188 SedrunMarie Rose Deflorin
9Justina Deflorin
10Raven Jerrieloo (Jelo)Tenner7180 Disentis/MustérMarie Rose Deflorin
11MilaDemont7180 Disentis/MustérAnna Durschei
12NataschaCathomen7163 DanisMarie Rose Deflorin
13SaskiaCathomas7165 BreilJustina Deflorin
14ShanayaTschuor7165 Breil/BrigelsMarie Rose Deflorin
15VanessaSchmed7165 Breil/BrigelsAnna Durschei
16VanessaTuor7188 SedrunJustina Deflorin
17AronMuoth7165 Breil/BrigelsGruppa speciala (contact Gion Tenner)
18AurelioCarigiet7162 TavanasaGion Tenner
19DavidCavegn7165 Breil/BrigelsGion Tenner
20DiegoBlumenthal7180 Disentis/MustérPierino Bisquolm
21DiogoAzevedo7180 Disentis/MustérSandro Tomaschett
22EneaDecurtins7166 TrunGion Tenner
23Pierino Bisquolm
24FabioRigoleth7186 SegnasPierino Bisquolm
25FabioDe Giorgi7163 DanisSandro Tomaschett
26Jorge MiguelFerreira7180 Disentis/MustérGion Tenner
27LianVincenz7165 Breil/BrigelsPierino Bisquolm
28LivioLozza7180 Disentis/MustérSandro Tomaschett
29LucasSeiler7165 Breil/BrigelsGion Tenner
30NoelCaduff7163 DanisSandro Tomaschett
31RianoSchmed7165 BreilSandro Tomaschett
32RovinSchmed7165 Breil/BrigelsGruppa speciala (contact Gion Tenner)
33TinoCathomas7165 BreilPierino Bisquolm
34GiulianVenzin7184 CuragliaSandro Tomaschett

Antwerpen 2019

Termin: 5 tochen ils 12 d’october 2019
Participontas e participonts: 4. – 9. classa* (onn da scola 2018/19) dallas vischnauncas dalla Cadi + Breil (stan 5-10-18)

*) 9. classa: separticipar san giuvenils ch’ein gia stai el camp 2017 e 2018 e ch’ein sedepurtai endretg. Per quels giuvenils vgn fatg ina gruppa separada che vegn tgamunada dils participonts dil camp 2018 a Hamburg.

Antwerpen ei il marcau principal dalla cultura belgesa. Dapi 2001 visitein nus regularmein quei bellezia marcau, la Belgia ed il sid dalla Hollandia. Igl ei la patria da nossa menadra Marie Rose, la tiara dils pommes frites, las guaflas e dalla tschugalata.

Antwerpen posseda denton era il pli grond port da mar dall’Europa, ei center da scolaziun cun biaras scolas ed universitads, ei il pli grond center da diamants dil mund e la patria da differents artists fetg enconuschents, sco p. ex. P. Rubens.

Sper il marcau visitein nus denton era Zeebrugge, il port da mar da fretgs, Brugge cun sias vias sill’aua, Gent cun siu casti, Brüssel sco capitala dall’Europa ed Oostende cun sia renomada fiera da pèschs. Ina viseta tier Delta Werken muossa co la Hollandia regla il problem dad inundaziuns. Ti vesas las tratgas da pèschs e sas schizun carrar cun bus sut il nivel dalla mar.

Ils camps en Belgia ein adina stai ina vera attracziun per tut quels ch’ein stai cun nus. Biars ein returnai ella tiara per nus Svizzers plitost nunenconuschenta – fascinai da cultura e cuntrada. Las gallerias da fotografias dils camps vargai dattan in schatg…