Beinvegni tier Camp Cadi 2

Dapi 1986 organisescha la Pleiv reformada Cadi camps per affons ella Bassa. Naven da 1992 ei era la Pleiv catolica Mustér dalla partida e dapi 1996 tuttas pleivs e las vischnaunacs dalla Cadi. La finamira ei da porscher a nos affons vacanazs ella Bassa, leu danunder che nos hosps da vacanzas vegnan.

Il resun ei staus enorms ed aschia dat ei dapi 2001 era camps per scolaras e scolars dalla 7. entochen 9. classa: il Camp Cadi 2. Quel ha in techet in’autra finamira. Las vacanzas han adina liug egl exteriur e duein mussar als participonts co sestelegiar els gronds marcaus. Cultura stat el center, denton era cuminonza. Il mument nua ch’ils giuvenils ein persuls en tiara jastra, daventan quels dus puncts fetg impurtonts. En roda visitein nus ils suandonts marcaus: Antwerpen, Brüssel, Köln, München, Berlin, Paris, London, Hamburg.

Separticipar als camps san giuvenils dalla 4. entochen 9. classa dalla Cadi (incl. nova vischnaunca da Breil, onn da scola 2021/22). Ils camps han mintgamai liug ellas vacanzas d‘ atun.


Annunzias per il camp 2021

Naven dad immediat prendin nus encunter las annunzias per il camp 2021 che ha liug denter ils 9 ed ils 16 d’ocotober 2021 a München. Persunas ch’eran gia s’annunziadas per il camp 2020 e che han buca retratg l’annunzia ston buca aunc inagada s’annunziar.

error

Gia abonnau nus?

Instagram